Жолдар Түркістанда тоғысады: 29 қазанда Turkistan Marathon осымен екінші рет өтеді
Сурет: Zakon.kz
Сөре мен мәре Visit Centre Turkistan жанында орналасады, әрі қарай маршрут Бекзат Саттарханов даңғылының бойымен әуежай жаққа және кері бағытта мәреге қарай өтеді.
Старт и финиш будут расположены возле Visit Centre Turkistan, далее маршрут пройдет по проспекту Бекзата Саттарханова в сторону аэропорта и обратно до финиша.
2023 жылы жарыста 42,2 км, 21,1 км, 10 км, 10 км скандинавиялық жүріс және 3 км (10-14 жас) қашықтықтары ұсынылады. Бүкіл Қазақстаннан және көршілес елдерден үш мың қатысушы болады деп күтілуде. Turkistan Marathon аясында сондай-ақ марафон (42,2 км) және 10 км-ге жүгіру жарысы бойынша Қазақстан Республикасының Чемпионаты өтеді.
Сурет: Zakon.kz
Turkistan Marathon трассасы небәрі 70 метрге жуық биіктікке көтерілетін жазық бедерімен ерекшеленеді. Бұл марафонды жаңадан бастаушылар мен орташа деңгейдегі жүгірушілерге де, жүгіру маусымын сәтті аяқтауға және жеке нәтижелерін жақсартуға ұмтылатын тәжірибелі спортшыларға да қолжетімді етеді. Марафон AIMS Халықаралық жарыстар мен жүгірулер қауымдастығына кіреді, ал трассалар World Athletics стандарттарына сәйкес сертификатталған.
Сурет: Zakon.kz
Түркістан марафонының өз қашықтықтарын еңсерген барлық қатысушылары мәре сызығында Қожа Ахмет Яссауи кесенесі бейнеленген жарқын этникалық стильдегі медаль алады. Жас санаттарындағы жүлдегерлер мен абсолютті санаттағы жеңімпаздар серіктестер мен демеушілер ұсынған бағалы жүлделермен марапатталады.
"Біз Қазақстанның бай тарихы бар ең әдемі қалаларының бірі – Түркістанда марафон өткізетінімізге қуаныштымыз. Turkistan Marathon – спортты, демалысты және осы таңғажайып жердің бірегей тарихы туралы білімді біріктірудің тамаша мүмкіндігі. Біз осы ұмытылмас тәжірибені қатысушыларымызбен бөлісу үшін оны тағатсыздана күтеміз", – деді "Бірінші болу – батылдық" қорының атқарушы директоры Салтанат Қазыбаева.
Сурет: Zakon.kz
Қатысу құны: 10 км – 7 500 KZT, 10 км скандинавиялық жүріс – 7 500 KZT, 21,1 км – 8 500 KZT, 42,2 км – 9 500 KZT, 3 км (10-14 жастағы балалар) – 5 500 KZT. 42,2 қашықтығына барлық слоттар сатылып қойды.
Тіркеу Almaty-marathon.kz сайтында (https://www.almaty-marathon.kz/ru/events/turkistan_marathon_2023/) ашылды.
Сурет: Zakon.kz
Алматы марафонының ұйымдастырушылары: "Бірінші болу – батылдық" корпоративтік қоры, "World Class Almaty" фитнес-клубы, Академик Ш.Есенов атындағы ғылыми-білім беру қоры және #Сеніңжаңақырың мультиспорттық Youtube-арнасы.
