Шымбұлақта қар жауып, төтеншеліктер мен әкімдіктегілер әбігерге түсті

Қар тазалау, Шымбұлақ, сурет - Zakon.kz жаңалық 14.10.2023 12:22

Сурет: Алматы қалалық әкімдігі

Қалалық коммуналдық қызметтер Шымбұлақтағы қарды тазалауға көшті. Жауын-шашынның көп түсуіне байланысты кейбір жеке үйлердің аулаларын су басты, Алматыда тау бөктеріндегі жолдарға да қар түсіп, көлік қозғалысын қиындатты, деп хабарлайды Zakon.kz.

ТЖ бойынша жедел кезекшілік деректері бойынша Жетісу және Түрксіб аудандарында жеке тұрғын үй секторында ауланы су басудың екі жағдайы тіркелді.

"Су сорып алынды. Арық өткелдерінің бітелу жағдайларын жоюмен жергілікті патрульдік бригадалар айналысуда. Арық желілері арқылы судың кедергісіз өтуін қамтамасыз ету мақсатында 34 кезекші бригада, 114 бірлік техника, 23 мотопомпа, 115 жолшы жұмысшылар түнгі ауысымға шықты. Таңертең сағат 8-ден бастап 38 кезекші бригада, 166 бірлік арнайы техника, 23 мотопомпа және 468 жолшы жұмысшылар өз ісіне кірісті", - деп хабарлады Алматы қаласының Табиғи ресурстар және табиғат пайдалануды реттеу басқармасы.

Жол тазалау, Шымбұлақ, қар, сурет - Zakon.kz жаңалық 14.10.2023 12:22

Сурет: Алматы қалалық әкімдігі

Құзырлы ведомство атап өткендей, қар жаууына байланысты Шымбұлақ жолдарына көктайғаққа қарсы материалдар себіліп жатыр, бұрынғы эко бекеттен Шымбұлаққа дейінгі учаскеде жолдар қардан тазалануда.

Жол қозғалысын шектеу мақсатында ол маңға жол полициясы бекеті қойылды.

"Селқорғау" ММ деректері бойынша Алматы өзендеріндегі су деңгейі қалыпты жағдайда.

Аудан әкімдіктерінде жүргізіліп жатқан жұмысты бақылау бойынша тәулік бойына кезекшілік ұйымдастырылды.