Семейде лаңкестікке қарсы оқу-жаттығу шарасы өтіп жатыр

2023 жылғы 17 қазанда Семейде лаңкестікке қарсы оқу-жаттығу ұйымдастырылды, деп хабарлайды Zakon.kz.

"Жаттығу барысында лаңкестікке осал нысандардағы жағдайды дамытудың түрлі сценарийлеріне жедел ден қою мәселелері пысықталады", – деп хабарлады терроризмге қарсы күрес жөніндегі жедел штаб.

Штабтың мәлімдеуінше, осы мақсатта белгілі бір шектеу шаралары қарастырылған, соның ішінде көлік құралдарының қозғалысына да шектеу енгізіледі.

Оқу-жаттығуға байланысты штаб Семей қаласының тұрғындары мен қонақтарын осы оқиғаға түсіністікпен қарауға, қауіпсіздік шараларын сақтауға және тиісті мемлекеттік органдардың заңды талаптарын орындауға шақырды.