ҚР СІМ: Қазақстан мен Қытай арасындағы визасыз режим туралы келісім 10 қарашада күшіне енеді

Визасыз режим, ҚР СІМ: Қазақстан мен Қытай, визасыз режим туралы келісім, сурет - Zakon.kz жаңалық 20.10.2023 18:58

Сурет: gov.kz

Қазақстан Республикасының Үкіметі мен Қытай Халық Республикасының Үкіметі арасындағы визалық талаптардан өзара босату туралы келісім 2023 жылғы 10 қарашада күшіне енеді, деп хабарлайды Zakon.kz.

ҚР СІМ мәліметінше, 2023 жылғы 17 мамырда Сиань қаласында (ҚХР) қол қойылған Келісімнің 1-ші бабына сәйкес екі елдің азаматтары жеке істерді, туризмді, ем қабылдауды, халықаралық тасымалдарды, транзиттік, сондай-ақ іскерлік мақсаттарды жүзеге асыру үшін визалық талаптардан босатылады.

Осы ретте, азаматтардың екі мемлекет аумағында болу мерзімі күнтізбелік 30 (отыз) күннен аспайтын мерзімдегі кезеңге, ал күнтізбелік 180 (жүз сексен) күн ішінде жиынтығында күнтізбелік 90 (тоқсан) күннен аспауы қажет.

"Азаматтарда 30 күннен артық болу қажеттілігі болған жағдайда, тиісті санаттағы кіру визасын алдын ала рәсімдеу қажет. Визасыз режим жұмысқа орналасуға, оқуға және миссионерлік қызмет жасауға құқық бермейді". ҚР СІМ баспасөз қызметі

Оқи отырыңыз