Қазақстанның бес қаласында ауа ластанады

Синоптиктер еліміздің бес қаласындағы ауада зиянды қоспалардың жоғары болатынын болжайды, деп хабарлайды Zakon.kz Қазгидрометке сілтеме жасап.

Синоптиктердің болжамынша, 2023 жылғы 21 қазанда Өскемен, Семей, Риддер, Алматы қалаларында, түнде Балқаш қаласында ауа ластанады.

Қолайсыз метеорологиялық жағдайлар (ҚМЖ) – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы мүмкін.