Қызылордада көше бойындағы 38 жарық шамын сындырған бұзақылар ұсталды
![полиция, сурет - Zakon.kz жаңалық 21.10.2023 14:28](https://kaz.zakon.kz/pbi/WEBP/2023-12-20/file-355f2ab2-d062-4070-84c7-a23c5ebd05eb/800x450.webp)
Қызылордада көше бойындағы 38 жарық шамын сындырған бұзақылар ұсталды, деп хабарлайды Zakon.kz polisia.kz-ке сілтеме жасап.
18 қазан күні таңғы сағат 06:00 шамасында Қызылорда қалалық полиция басқармасының “102” арнасына жергілікті тұрғыннан Сол жағалаудағы және Orda school мектебіндегі жарық бағаналарын белгісіз адамдардың сындырып кеткендігі жөнінде хабарлама түсті.
Оқиға болған жерге жедел-тергеу тобы келіп, бұзақылық жасаған күдіктілерді анықтау мақсатында іздестіру жұмыстарын жүргізудің нәтижесінде осы іске қатысы бар екі жасөспірім анықталып, басқармаға жеткізілді.
Аталған дерек бойынша ҚР Қылмыстық кодексінің 293-бабы 2-бөлігі 1-тармағымен ("Бұзақылық") сотқа дейінгі тергеп-тексеру әрекеттері жүргізіліп жатыр. Оқиғаның мән-жайы анықталады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript