Түркістанда көлігінде есірткі пайдаланған жүргізуші видеоға түсіп қалды

Түркістанда бейнебақылау камерасының көмегімен есірткі қолданған жүргізуші анықталды, деп хабарлайды Zakon.kz otyrar.kz-ке сілтеме жасап.

Жедел басқару орталығының кезекшілері мән-жайды анықтау үшін патрульдік полицияға хабар берді.

Полицейлер оқиға орнында жүргізушіні, Түркістан тұрғынын ұстады. Тексеру кезінде ер адамнан есірткіге ұқсас зат бар екені анықталды.

Алынған айғақ заттар сараптамаға жіберілді. Сараптама қорытынды бойынша, бұл "марихуана" болып шықты.

Қазіргі уақытта аталған факті бойынша сотқа дейінгі тергеу амалдары жүргізіліп жатыр.