ДДҰ басшысы Қазақстан халқына көңіл айтты

Тедрос Аданом Гебрейесус, сурет - Zakon.kz жаңалық 29.10.2023 11:32

Сурет: Twitter/DrTedros

Дүниежүзілік денсаулық сақтау ұйымының басшысы Тедрос Аданом Гебрейесус Костенко шахтасындағы қайғылы оқиғаға байланысты Қазақстан халқына көңіл айтты, деп хабарлайды Zakon.kz.

Аданом бұл жазбаны X (бұрынғы Twitter) парақшасында жариялады.

"Бүгін - Қазақстан халқы үшін қаралы күн. Жақындарынан айырылған отбасыларға шын жүректен көңіл айтамын", - деп жазды Дүниежүзілік денсаулық сақтау ұйымының басшысы.

Кейінгі мәлімет бойынша, Костенко шахтасындағы қайғылы оқиғадан 36 адам қаза тапты, 10 кенші әлі іздестіріліп жатыр.

Қарағанды облысындағы Костенко атындағы шахтада 28 қазан күні сағат 02:33-те жарылыс болды, әуеліде төрт адамның қаза тапқаны хабарланды.

Шахтаға иелік ететін "АрселорМиттал Теміртау" компаниясы апат кезінде шахтада 252 адам болғанын, 205 кенші жер бетіне шығарылғанын мәлімдеді.

29 қазанда Қазақстанда жалпыұлттық аза тұту күні болып жарияланды.

Оқи отырыңыз