Шымкентке бара жатқан пойыздан мас әйел түсірілді

полиция, сурет - Zakon.kz жаңалық 16.11.2023 00:41

Сурет: polisia.kz

Астана – Шымкент бағытындағы жолаушылар пойызы Шу станциясына келгеннен кейін желілік полиция бөлімінің қызметкерлері масаң жолаушыны акт бойынша пойыздан түсірді, деп хабарлайды Zakon.kz polisia.kz-ке сілтеме жасап.

"Тексеру барысында көлік полицейлері Түркістан облысының 34 жастағы тұрғынын анықтады. Ол қоғамдық орында масаң күйде болған және түнгі уақытта жолаушылардың тыныштығын бұзған". Көліктегі полиция департаменті бастығының бірінші орынбасары Мадияр Айтуғанов

Құқық бұзушыға ҚР Әкімшілік құқық бұзушылық туралы кодексінің 440-бабының 1-бөлігі ("Алкогольдік ішімдіктерді ішу немесе қоғамдық орындарға масаң күйінде келу"), 437-бабының 2-бөлігі ("Тыныштықты бұзу") бойынша бірден екі әкімшілік хаттама толтырылып, оған 15 айлық есептік көрсеткіш (51 750 теңге) мөлшерінде айыппұл салынды.