Астана қаласы әкімдігі Қазақстан-Сан-Марино матчы алдында үндеу жасады

Осы жұма, 17 қарашада "Астана Арена" стадионында 2024 жылғы Еуропа чемпионатының іріктеу кезеңі аясында Қазақстан мен Сан-Марино құрамасы арасында матч өтеді. Осыған орай елорда әкімдігінің баспасөз қызметі арнайы шаттл-автобустары қатынайтынын жеткізді, деп хабарлайды Zakon.kz.

Матчтың басталуы – сағат 21:00-де.

"Осы күні "Астана Арена" стадионына жүретін қоғамдық көліктің жұмысы күшейтіледі", делінген хабарламада.

Сондай-ақ, жанкүйерлердің ыңғайлылығы үшін және жолдарда көлік кептелісін азайту мақсатында Астананың 5 тұрақ торабынан сағат 19:30-да арнайы шаттл-автобустары жүреді:

• "Астаналық цирк" автотұрағы;
• "Қазақстан" СК автотұрағы;
• "Әзірет Сұлтан" мешітінің тұрағы;
• "Әбу Насыр әл-Фараби" мешітінің тұрағы (Нұр-Астана);
• "Жастар" сарайы тұрағы.

"Ойын аяқталғаннан кейін футбол жанкүйерлері сондай-ақ, қосымша №№ 10, 12, 21, 26, 27, 28, 37, 40, 49, 51, 53, 60 қалалық және № 303 қала маңы бағдарларымен кете алады. Автобустар Қабанбай батыр даңғылындағы аялдамаларда күтеді", делінген хабарламада.

Футбол матчын өткізу кезінде барлық автокөлік жүргізушілеріне қоғамдық көлікті пайдалану ұсынылады. 

Сурет: Астана қаласы әкімдігінің баспасөз қызметі