Алматыдағы Сайран көлінің аумағы қашан қайта жаңартылады
Сурет: Алматы әкімдігі
Алмалы ауданының әкімі Сайран көлінің аумағы қашан қайта жаңартылатынын айтты, деп хабарлайды Zakon.kz.
Аудан әкімі Айдар Жақыбаев Алматы қаласының өңірлік коммуникациялар қызметінің алаңында Сайран көлінің маңын абаттандыру жобасы әзірленіп, қорғалғанын атап өтті. Бірақ мердігерлік ұйымды анықтауда қиындықтар туындағандықтан, жобаны іске асыру мерзімі өзгерді.
"Жазда біз көл жағасында жақын маңдағы үйлердің тұрғындарына көлдің қалай жаңаратынын таныстырдық. Бұл ретте тұрғындардың барлық тілектері ескерілді. Осыдан кейін осы қайта құруды жүргізетін мердігерді анықтау бойынша конкурстық рәсімдер басталды. Нәтижесінде бірінші байқау өтті, оны Түркістан облысының компаниясы жеңіп алды. Бірақ, өкінішке орай, оның мұндай ауқымды жұмыстарды жүргізу тәжірибесі болған жоқ. Қала прокуратурасының ұсынысы бойынша бұл конкурстың қорытындысы жойылды. Қазіргі уақытта қайта конкурс өткізілуде. Экология және қоршаған орта басқармасының ақпараты бойынша конкурс қорытындысы 2023 жылдың соңына дейін алынады", – деді Айдар Жақыбаев.
Ол күн жылынысымен жұмыс басталатынын атап өтті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
