Астана әуежайында жолаушылар алда жаңа тәсілмен тіркеуден өтетін болады

Биометриялық сәйкестендіру, Астана әуежайы, сурет - Zakon.kz жаңалық 24.11.2023 19:00

Сурет: freepik

Астана әуежайында жолаушыларды биометриялық сәйкестендіру бойынша тіркеу процедурасы енгізілуде, деп хабарлайды Zakon.kz.

Бұл туралы 2023 жылы 24 қарашада ҚР Көлік министрлігі хабарлады.

"ҚР Көлік вице-министрі Мақсат Қалиақпаров жұмыс сапары барысында Астана халықаралық әуежайына барды. Ол қауіпсіздік жүйелері, пайдаланылатын бағдарламалық қамтамасыз ету және әуежайдың жұмысымен танысты. Сондай-ақ әуежайда цифрландыру деңгейін арттыру мәселелері бойынша кеңес өтті. Онда әуежайды одан әрі дамыту перспективаларына қатысты мәселелер талқыланды. Атап айтқанда, биометриялық сәйкестендіру мүмкіндігін енгізу. Нәтижесінде жолаушылар рейске тіркелу кезінде барлық қажетті операцияны жасай алады, құжаттарды өз бетінше толтырады және басып шығара алады. Сонымен бірге төлқұжаттың электрондық нұсқасын толық пайдаланады", делінген хабарламада.

"Халықаралық әуежай" АҚ Басқарма төрағасы Ерғазы Жолдасов құрылған арнайы фокус-топ биометриялық сәйкестендіру бойынша жолаушыларды тіркеу бағдарламасын тест режимінде іске қосатынын атап өтті.

Кеңесті қорытындылай келе, вице-министр бірқатар тапсырма жүктеп, министрліктің әуежай қызметтерін одан әрі дамыту бойынша бірлескен жұмыс жүргізуге дайын екендігін атап өтті.

Оқи отырыңыз