Қазақстанда 90 жүкті әйел қызылша жұқтырған
Сурет: Zakon.kz
Денсаулық сақтау министрі Ажар Ғиният 29 қарашада Орталық коммуникациялар қызметінде жүкті әйелдер қызылша жұқтырса, не істеуге болатынын айтты, деп хабарлайды Zakon.kz.
Қызылша ауруы жүктілікті жасанды жолмен үзуге негіз бола алмайды, - деді Ажар Ғиният.
"Қызылша ауруы жүктілікті үзудің көрсеткіші болып саналмайды. Ең қорқыныштысы - ұрыққа жұқпалы әсері бар қызамық. Сондықтан бүгінгі күні мұндай көрсеткіштер жоқ. Қызылшамен ауырған барлық жүкті әйел толықтай бақылауда", - деді министр.
Ведомство басшысы атап өткендей, дәрігерлер сәбилердің де, ана өлімінің де алдын алу үшін жағдайы ауыр балаларды да жіті бақылауында ұстауда.
"Бүгінде жүкті әйелдер арасында мұндай ауыр жағдайлар жоқ", - деп сөзін түйіндеді Ажар Ғиният.
29 қарашада Ажар Ғиният қызылшаға қарсы екпе салдыртқысы келетіндерді вакциналау тегін жүргізілетінін мәлімдеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
