Қазақстанның қай өңірлерінде қызылша жағдайы қолайсыз болып қалуда

Сурет: freepik

ҚР Денсаулық сақтау министрі Ажар Ғиният 17 қаңтарда Мәжіліс алаңында қызылша ауруы қай өңірлерде қолайсыз болып отырғанын айтты, деп хабарлайды Zakon.kz тілшісі.

Ажар Ғиният жалпы Қазақстанда ауру көрсеткіші 11%-ға төмендеп жатқанын хабарлады.

"10 облыста ауру көрсеткіші үш апта бойы төмендеуде. Жеті облыста жағдайдың тұрақтанғанын көріп отырмыз, ауру көрсеткіші бір деңгейде. Үш аймақта қазір жағдай қолайсыз. Өсу мына өңірлерде байқалады: яғни Ақтөбе, Атырау және Қарағанды облыстары", - деді Денсаулық сақтау министрлігінің басшысы.

Оның айтуынша, дәл осы өңірлерде халықты қызылшаға қарсы қосымша егу науқаны жеткілікті түрде жүргізілмейді – иммундаумен қамту республикалық көрсеткіштен төмен.

Бұған дейін Қазақстанда қызылшадан екі баланың қайтыс болғаны белгілі болған.

Оқи отырыңыз