Қостанай өңірінде полицейлер күшейтілген жұмыс режиміне көшті

Мереке күндерінде 900-ден астам полицей мен Ұлттық ұланның әскери қызметшілері Қостанай облысында қоғамдық тәртіп пен жол қауіпсіздігін қамтамасыз ететін болады, деп хабарлайды Zakon.kz.

Мәдени-бұқаралық іс-шаралар мен қала тұрғындарының бос уақытын өткізетін орындарда бақылау күшейтілді, деп жазады alau.kz.

"Көшеде және қоғамдық орындарда жасалатын құқық бұзушылықтарды анықтауға, сондай-ақ жол қозғалысы ережелерін сақтау мәселелеріне, оның ішінде мас күйінде көлік жүргізу фактілерін анықтауға ерекше назар аударылатын болады", делінген хабарламада.

Қостанай облысының полиция департаменті азаматтардың назарын заңның мүлтіксіз сақталуына аударады.

Бұған дейін Қазақстан президенті Қасым-Жомарт Тоқаев қазақстандықтарды ел өміріндегі айтулы дата - Тәуелсіздік күнімен құттықтаған болатын.