Қазақстандық спортшы әлем кубогында ереже бұзғаны үшін айдыннан қуылды

Ерлер арасында 1 500 метрге жарысудан финалға шыққан Еркебұлан Шамұханов жарысты аяқтай алмады, деп хабарлайды Zakon.kz.

Ол ереже бұзғаны үшін пенальти алып, айдыннан қуылды.

Еске салайық, шорт-тректен Оңтүстік Кореяның Сеул қаласында өтіп әлем кубогы кезеңінде қазақстандық Денис Никиша қола медаль жеңіп алды. 

Қазақстан командасының капитаны 500 метрге жүгіруден мәре сызығын үшінші болып кесті. Оның уақыт көрсеткіші - 41.525. 

Алтын медальді қытайлық Шаоан Лю (41. 196)еншілесе, күміс жүлдеге кореялық И-Ра Сё (41.205) қол жеткізді.