Семейде колония аумағына тыйым салынған заттарды лақтыруға тырысқан азамат ұсталды

түрме, сурет - Zakon.kz жаңалық 20.12.2023 22:47

Сурет: polisia.kz

Телефон мен сим картаны Семей колониясына лақтыруға тырысқан ер азамат оқиға орнында ұсталды. Абай облысы бойынша ҚАЖД №20 мекемесінің қызметкерлері тыйым салынған заттардың колония аумағына лақтыруына жол бермеді, деп хабарлайды Zakon.kz polisia.kz-ке сілтеме жасап.

Жедел бөлім қызметкерлерімен 33 жастағы Семей тұрғыны ұсталды. Ол скотчпен оралған ораманы лақтыруға тырысқан, ораманы ашқан кезде телефон мен SIM карта табылып, тәркіленді.

Әңгімелесу барысында Семей тұрғыны оған бұрын таныс емес ер адам көмек сұрап жүгінгенін мойындады.

"Қазіргі уақытта курьерге қатысты ҚР Әкімшілік құқық бұзушылық туралы кодексінің 481-бабы ("Қылмыстық-атқару жүйесiнің мекемелерiнде, арнаулы мекемелерде ұсталатын адамдарға тыйым салынған заттар, бұйымдар мен нәрселер беру") бойынша әкімшілік хаттамалар жасалды".Жедел бөлімнің қызметкері Әділет Құлатаев

Оқи отырыңыз