Тоқаев Чех Республикасының президентіне көңіл айтты

Тоқаев, сурет - Zakon.kz жаңалық 22.12.2023 20:03

Сурет: akorda

Мемлекет басшысы Чех Республикасының президенті Петр Павелге көңіл айту жеделхатын жолдады, деп хабарлайды Zakon.kz.

Бұл туралы Ақорданың баспасөз қызметі хабарлады.

“Прага қаласындағы Карлов университетінде болған жантүршігерлік қарулы шабуыл салдарынан көптеген отандастарыңыздың қаза тапқаны және жарақат алғаны туралы суыт хабарды терең күйзеліспен қабыл алдым. Осындай ауыр сәтте Чехия халқының қайғы-қасіретіне ортақтасып, Сізге және жақындарынан айырылған отбасыларға көңіл айтамын, ал зардап шеккен азаматтардың тез арада сауығып кетуіне тілектестік білдіремін”, – деп жазылған жеделхатта.

Еске салайық, 21 желтоқсан күні кешке философия факультетінің студенті университетте оқ жаудырып, содан кейін ол өз-өзіне қол жұмсаған еді.

Оқи отырыңыз