Жаңалықтар тізбегі
0

Қызылордалық полицейлер тұрғынға қоңырау шалып, ақшасын жымқырған алаяқты қолға түсірді

Полиция заң бұзған адамды ұстады Сурет: Zakon.kz
Қызылорда қалалық полиция басқармасының кезекші бөліміне алаяқтың құрбаны болған қала тұрғыны арызданды.

Оның айтуынша, белгісіз біреу телефон нөміріне хабарласып "Ұлттық Банк қызметкерлеріміз, белгісіз біреулер атыңыздан несие алайын деп жатыр" деп сеніміне кіріп, 5 млн теңге ақшасын аудартып алған.

Полиция қызметкерлері барлық қажетті жедел-іздестіру іс-шараларын жүргізіп, нәтижесінде Алматы қаласының тұрғыны ұсталды. Аталған дерек бойынша Қазақстан Республикасы ҚК-нің 190-бабы 3-бөлігімен (Алаяқтық) сотқа дейінгі тергеп-тексеру амалдары жүргізіліп жатыр.

Қазіргі уақытта күдікті қамауда. Облыс тұрғындарын ескертеміз! Алаяқтар сіздерге қоңырау шалып, өзін банк менеджері, болмаса қауіпсіздік қызметкері ретінде таныстырады.

Мақсаты – сіздің жеке деректеріңізге қол жеткізу. Алаяқтардың сізді алдауы үшін айтатын бірнеше тәсілі болады. Олар көбіне сіздің шотыңыздан "дәл қазір алаяқтар ақша аударуға тырысып жатыр" деп дүрліктіреді.

"Шотыңыздағы ақшадан айырылып қалмас үшін сақтандыру шотына аударуыңыз керек" деп сендіруге тырысады.

Осылайша сізді алдап жалған шотқа немесе өзінің тікелей шотына ақшаны аудару үшін қулыққа барады. Алаяқтар үш нәрсе сұрауы мүмкін.

Біріншісі – банк карта нөмірін, екіншісі – картаның артындағы CVV кодты, үшіншісі – телефоныңызға келген SMS-кодты. Оларды ешкімге айтуға болмайды.

Шынайы банк қызметкері ешқашан жеке ақпаратыңызды сұрамайды, өйткені банкте сізге қатысты бүкіл ақпарат бар.

Егер таныс емес нөмірден қоңырау шалып, сізден жеке ақпарат сұрай бастаса, жауап бермеңіздер, дереу байланысты үзіңіздер.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: