Алматы облысында ауыр жарақат алған ер адамның мәйіті табылды

полиция, сурет - Zakon.kz жаңалық 27.12.2023 22:50

Сурет: instagram/ile.police

26 желтоқсанда Іле аудандық бөлімшесінің кезекші бөліміне Өтеген батыр ауылындағы көшелердің бірінен ауыр дене жарақаттарымен 40 жастағы жергілікті тұрғынның мәйіті табылғаны туралы хабарлама келіп түсті, деп хабарлайды Zakon.kz.

Аталған дерек бірден ҚР ҚК-нің 99-бабының 1-бөлігі ("Адам өлтіру") бойынша тіркелді.

"Іле аудандық полиция басқармасының қызметкерлері жүргізген жедел-іздестіру іс-шаралары барысында 1993 және 2007 жылы туған екі күдікті анықталып, ұсталды, олар кінәсін мойындады". Іле аудандық полиция басқармасы

Қазіргі уақытта сот-медициналық сараптама тағайындалып, барлық қажетті тергеу әрекеттері жүргізіліп жатыр.

Күдіктілер ҚР Қылмыстық-процестік кодексінің 131-бабына сәйкес, уақытша ұстау изоляторына қамалды.

Оқи отырыңыз