Қазақ ертегілері серб тіліне аударылды

Қазақ ертегілері, аударма, серб тілі, сурет - Zakon.kz жаңалық 28.12.2023 18:27

Сурет: pixabay

Қазақ халқының мәдени мұрасын ілгерілету мақсатында Сербиядағы Қазақстан елшілігі серб тілінде қазақ ертегілерінің жинағын шығарды, деп хабарлайды Zakon.kz.

Қарлығаш туралы аңыздар, жануарлар дауы, Қаңбақ шал туралы қиял-ғажайып әңгімелер және Алдар көсенің қулықтары, сондай-ақ, қазақ ертегілерінің әйгілі кейіпкерлерінің басқа да шытырман оқиғалары енді кішкентай серб оқырмандары мен олардың ата-аналарына қолжетімді. Кітаптың тұсаукесері Жаңа жыл қарсаңында Белград қаласының балалар кітапханасында өтті. Қазақстанның Сербиядағы tлшісі Мәди Атамқұлов балаларды кітаппен таныстыра отырып, елімізге қатысты қызықты фактілер туралы айтып, кішкентай оқырмандарға бағалы сыйлықтар табыс етті, деп хабарлайды 24 kz.

Кітапхана қызметкерлері Қазақстан тарихы мен мәдениеті бойынша интерактивті викторина өткізді, сондай-ақ кітаптан бірнеше қазақ халық ертегілері оқылды.

Жақын арада қазақ ертегілері жинағының жүздеген даналары Сербияның кітапханалары мен мектептеріне ұсынылатын болады.

Оқи отырыңыз