Жаңа жыл мейрамы қарсаңында тамақтан уланып қалмас үшін...

Денсаулық сақтау министрлігі Жаңа жыл мейрамы қарсаңында тамақтан уланып қалмас үшін бірнеше кеңес берді, деп хабарлайды Zakon.kz.

Келесі ережелерді сақтасаңыз, онда жаңа жылдық мәзір дәмді және пайдалы болады:

• рұқсат етілмеген сауда орындарында, жеке тұлғалардан, әсіресе консервіленген көкөністерден, саңырауқұлақтардан, ет, балықтан (ысталған, кептірілген), алкоголь өнімдерінен және т. б. азық-түлік сатып алмау қажет;
• сатып алудан бұрын жарамдылық мерзімін тексеріп, өнімнің сыртқы түрін бағалаңыз;
• өнімді сату кезінде сақтау шарттарының сақталуына назар аударыңыз: тез бұзылатын тамақ өнімдері міндетті түрде тоңазытқышта сақталуға тиіс;
• жеке гигиена ережелерін сақтаңыз, тамақ дайындауды бастамас бұрын қолыңызды сабынмен мұқият жуыңыз, шашыңызды жинаңыз;өнімдерді (әсіресе жемістер, көкөністер, шөптер, жұмыртқалар және т. б.) өңдеу және кесу алдында ағынды сумен жақсылап шайыңыз;
• шикі және дайын өнімдерді кесу үшін бөлек таза кесу құралдары мен кескіш пышақтарды қолданған жөн;
• салаттар мен дайын тағамдарға алдын-ала дайындама жасамау керек (мерекеден бір-екі күн бұрын).
• тағамдарды ыдысқа салар кезде кесу керек;
• тағамдарды тоңазытқышта сақтау кезінде тауарлық көршілік ережелерін сақтау керек  - дайын тағамдарды шикі өнімдермен немесе жартылай фабрикаттармен бірге сақтамаған жөн;
• салаттарды аз мөлшерде дастарханға қояр алдында ғана дәмдеу керек, өйткені олардың жарамдылық мерзімі шектеулі;
• жаңа дайындалған тағамды алдыңғы тамақтан кейін қалған өнімдермен араластырмаңыз. Тамақ өнімдерінің қалдықтары қолданар алдында термиялық өңдеуден өтуі керек (қайнатыңыз немесе қуырыңыз);
• жарамдылық мерзімі өткен және тоңазытқыштан тыс сақталған өнімдерді (тез бұзылатын өнімдер, дайын салаттар, кремі бар кондитерлік өнімдер) жеуге болмайды.