Қызылорда облысында газ құбырларын ұрлаған күдіктілер қолға түсті
![Заң бұзған адам жауапқа тартылды, сурет - Zakon.kz жаңалық 03.01.2024 16:27](https://kaz.zakon.kz/pbi/WEBP/2024-01-03/file-e893ee34-9473-416f-bc00-9bab351a038c/400x225.webp)
Қызылорда облысы ПД-ның Шиелі аудандық полиция бөліміне ұрлық жөнінде арыз түскен. Белгісіз біреулер мекемеге тиесілі 3 метрден кесілген 54 газ құбырын ұрлап кеткен.
Мекемеге жалпы 5 миллион теңгеден астам материалдық шығын келтірілді.
Полицейлермен жүргізілген жедел-іздестіру жұмыстарының нәтижесінде осы қылмысқа қатысы бар екі күдікті азамат анықталып, ұсталды.
Ұрлық жасаған аудан тұрғындары болып шықты. Ұрланған құбырлар заттай дәлелдеме ретінде алынды.
Аталған дерек бойынша ҚР ҚК-нің 188-бабының 3-бөлігімен (Ұрлық) сотқа дейінгі тергеп-тексеру әрекеттері жүргізіліп жатыр.
Күдіктілер уақытша ұстау изоляторына қамалды. Күдіктілердің облыс аумағында болған осы тектес басқа да қылмысқа қатысы бар-жоғы тексеріліп жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript