Тоқаев Еуразиялық қайта сақтандыру компаниясына Қазақстан өкілін тағайындады
Сурет: primerminister.kz
Мемлекет басшысы Қасым-Жомарт Тоқаев 2023 жылғы 28 желтоқсандағы "Еуразиялық қайта сақтандыру компаниясында Қазақстан Республикасының өкілі туралы" Жарлыққа қол қойды, деп хабарлайды Zakon.kz.
"Қазақстан Республикасы Премьер-Министрінің орынбасары Серік Мақашұлы Жұманғарин "Еуразиялық қайта сақтандыру компаниясы" АҚ Басқарушылар кеңесінің Қазақстан Республикасынан мүшесі болып тағайындалсын", - делінген құжатта.
Жарлық қол қойылған күнінен бастап күшіне енеді.
2023 жылғы 7 қарашада мемлекет басшысы ЕАЭО-ға мүше елдердің экспорт-импорт байланыстарын дамытуға және өзара сауда-саттық және сауда-экономикалық байланыстарды кеңейтуге ықпал ететін Еуразиялық қайта сақтандыру компаниясын құру туралы заңға қол қойды.
Өзара және сыртқы сауданы ынталандыру және Еуразиялық экономикалық одақтың (ЕАЭО) бірлескен кооперация жобаларын жүзеге асыру мақсаты болып табылатын Еуразиялық қайта сақтандыру компаниясы (ЕАЭО) жұмысын 2023 жылы бастады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
