Шымкентте 700-ден астам есірткі жарнамасы жойылды
Сурет: ҚР ІІМ
Есірткі, психотроптық заттар мен сол тектестерді заңсыз насихаттаудың жолын кесу және жарнамаларды жою жұмысына 158 тәртіп сақшысы мен 342 ерікті жұмылдырылды.
Шара барысында Абай, Әл-Фараби, Қаратау, Еңбекші және Тұран ауданы аумақтарында қабырғаларға салынған есірткі сайттарын жарнамалайтын жазбалар өшіріліп, оның орнына "Stop-граффити" таңбасы басылды.
Естеріңізге сала кетейік, бұған дейін Үкімет сағатында депутаттар Шымкентте есірткі жарнамаларының көбеюіне қатысты өз наразылықтарын білдірген болатын. Сондай-ақ бұқаралық ақпарат құралдарында да осыған байланысты көптеген сауал туындаған еді.
Осыған орай, полиция департаментінің бастығы жедел шара қолданып, қалалық жастар орталығы, үкіметтік емес ұйымдармен бірлесіп 10-14 қаңтар аралығында жергілікті деңгейде "Stop-граффити" ЖПІШ өткізді.
