Еліміздің бірқатар өңірінде аяздың беті қайтады

Еліміздің бірқатар өңірлерінде аяздың беті қайтады, сурет - Zakon.kz жаңалық 17.01.2024 12:04

Сурет: pixabay

"Қазгидромет" РМК синоптиктері 2024 жылдың 18-20 қаңтарына арналған ауа райы болжамын ұсынды. Метеорологтардың болжамынша, Қазақстанда аяздың беті қайтады, деп хабарлайды Zakon.kz.

2024 жылғы 17 қаңтардағы хабарламада еліміздің басым бөлігінде ашық аязды ауа райын тудырған ауқымды антициклон өз орнын жоғалта бастағаны, осыған байланысты температуралық фонның біртіндеп көтерілуі және аздаған қар жаууы күтілетіні атап өтілді.

"Ал Қазақстанның батысында, оңтүстігінде және оңтүстік-шығысында тұрақсыз ауа райы сақталады, жауын-шашын, негізінен қар түрінде болады, көктайғақ күтіледі, жел мен бұрқасын күшейеді". "Қазгидромет" РМК баспасөз қызметі

Елімізде түнде және таңертең тұман түсуі мүмкін екені де айтылады.

Ал, Астанада ауа райының нашарлауына байланысты 0-9 сынып оқушылары қашықтықтан оқытуға жіберілді. Ал Алматыда түні бойы қар жауды: қала әкімдігі жолдарда не болып жатқанын айтып берді.

Ішкі істер министрлігі де үндеу жасады. Қазақстандық жүргізушілер ауа-райы қолайсыз жағдайда жолға шықпауға шақырады.

Оқи отырыңыз