Семейдегі Бейбітшілік аралының тұрғындары су басу қаупіне байланысты эвакуацияланды
![Абай облысы, сурет - Zakon.kz жаңалық 21.01.2024 13:34](https://kaz.zakon.kz/pbi/WEBP/2024-01-21/file-79237bcd-c927-4e9f-972a-b28c268fc8f4/400x225.webp)
Түнде Бейбітшілік аралынан 11 адам (7 ересек, 3 бала) эвакуацияланды. Олар Семей қонақ үйіне орналастырылды, деп хабарлайды Zakon.kz.
Абай облысы әкімдігінің мәліметінше, үй жануарлары қауіпсіз жерге жеткізілді. Эвакуацияланған адамдарға ыстық тамақ берілді. Қазіргі уақытта эвакуацияланған отбасылар үйіне қайтты.
![Абай облысы, сурет - Zakon.kz жаңалық 21.01.2024 13:34](https://kaz.zakon.kz/pbi/WEBP/2024-01-21/file-653fc79c-8dd0-4451-950d-9c1722f6491b/800x480.webp)
Сурет: Абай облысы әкімдігінің баспасөз қызметі
"Қазіргі уақытта су деңгейі төмендеп, тұрғын үйлерді су басу қаупі жоқ. Әр сағат сайын учаскелерді аралау (Бейбітшілік аралы, Д/М.Бобровка) және су деңгейіне мониторинг жүргізіледі. Су деңгейін өлшеу әр 2 сағат сайын жүргізіледі". Абай облысы әкімдігінің баспасөз қызметі
2024 жылғы 21 қаңтарда сағат 10:00-де Семейдегі Ертіс өзенінің су деңгейі 457 сантиметр болды.
![Абай облысы, сурет - Zakon.kz жаңалық 21.01.2024 13:34](https://kaz.zakon.kz/pbi/WEBP/2024-01-21/file-30b9092a-ee12-47d7-996c-0cc758b46a5e/800x450.webp)
Сурет: Абай облысы әкімдігінің баспасөз қызметі
"Төтенше жағдайлар департаментінің қызметкерлері жергілікті атқарушы орган және ҚР ТЖМ 68303 ә/б Бейбітшілік аралы тұрғындарының қауіпсіздігін қамтамасыз ету мақсатында 21 қаңтарға қараған түні бөгет салып, өзен арнасына су бұру үшін жол төсемін ашу сияқты инженерлік жұмыстар жүргізді", - делінген хабарламада.
Төтенше жағдайлар департаментінің күшімен өзен арнасына 5 850 текше метр су қайта жіберілді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript