Шығыс Қазақстан облысындағы тас жолда көлік өртенді

Шығыс Қазақстан облысында полицейлер тас жолда өртенген көлікті сөндірді, деп хабарлайды Zakon.kz.

Облыстық полиция департаментінің мәліметінше, Өскемен-Алтай тас жолының 43-шақырымында жүргізушісі жол жиегіне тоқтамақ болған Мitsubishi көлігі полиция инспекторларының назарын аударған.

Жақындаған тәртіп сақшылары көлік капотының астынан қою түтін шығып жатқанын байқады. Полицейлер өрт сөндіргішті алып, оны сөндіруге кірісті. Қасынан өтіп бара жатқан жүргізуші де қосылып, көлікке қар лақтыруға көмектескен.

Жалын өрт сөндірушілер келгенше ауыздықталды. Алдын ала болжам бойынша, өрттің шығуына электр сымдарындағы қысқа тұйықталуы себеп болған.