Жаңалықтар тізбегі
0

Алматы маңында ірі өрт шықты

Алматы маңында ірі өрт шықты Сурет: Instagram/100baksoff, коллаж Zakon.kz
Алматы қаласы мен Алматы облысының тұрғындары бүгін, 2024 жылдың 24 қаңтарында әлеуметтік желілерде өрттің видеолары мен суреттерін таратқан. Өрт аймақта орналасқан қоймада болғаны белгілі болды, деп хабарлайды Zakon.kz.

Instagram парақшаларының бірінде Ащыбұлақ ауылындағы қоймалар өртеніп жатқанын жазған.

Zakon.kz тілшісіне Облыстық Төтенше жағдайлар департаментінде өрт туралы ақпарат берілді:

2024 жылғы 24 қаңтарда сағат 6:59-да Алматы облысы ТЖД кезекші бөліміне Іле ауданының Первомай өнеркәсіптік аймағында металл конструкцияларынан жасалған 3600 шаршы метр аумақта полиэтилендік тауарларды сақтау қоймасы жанғаны туралы хабарлама келіп түсті.

Оқиға орнына дереу Алматы облысы ТЖД қызметкерлері жіберілді. Өрт орнына ең жақын орналасқан Боралдай кентінің 9-өрт сөндіру бөлімінен арақашықтық - 15 км. Облыс орталығынан арақашықтық - 87 км.

Сағат 7:20-да алғашқы өрт сөндіру бөлімшелері оқиға орнына келген кезде нысан толығымен отпен оранған. Сонымен қатар, шақырудың жоғары дәрежесі бойынша жақын маңдағы бөлімшелердің күштері мен құралдары шақыру орнына жіберілді. Өрттің үлкен аумаққа таралуының себебі - өрт туралы кеш хабарлау.

Қабылданған шаралармен өрт сағат 9:12-де оқшауланды. Жақын маңдағы қоймаға оттың таралуына жол берілмеді. Ең жақын өрт гидранты 500 метр қашықтықта орналасқан. Өртті сөндіру жалғасуда. Құрбандар мен зардап шеккендер жоқ. Өрттің таралу қаупі жоқ.

Өрттің себебін анықтау үшін Алматы облысы ТЖД анықтау бөлімінің және өрт зертханасының қызметкерлері жұмыс істеп жатыр. Өрттің алдын - ала себебі - электр сымдарының қысқа тұйықталуы. Өртті сөндіруге Алматы облысы ТЖД 37 қызметкері мен 14 техникасы және Алматы қаласы ТЖД 22 қызметкері мен 4 техникасы жұмылдырылды.

Алматы облысының ТЖД қысқа тұйықталуды болдырмау үшін пайдалану кезінде өрт қауіпсіздігі ережелерін сақтаудың маңыздылығын еске салады. Сәйкес емес оқшауланған ескі сымдарды пайдаланбаңыз, электр жұмыстарын жүргізу кезінде абай болыңыз.

"Электр нүктелерінің – розеткалар мен ажыратқыштардың жағдайын үнемі қадағалаңыз. Қажет болса, оларды дереу ауыстырыңыз. Зақымдалған электр құрылғыларын пайдаланбаңыз. Осы қарапайым ережелерді орындау қысқа тұйықталу қаупін едәуір азайтады." Алматы облысы ТЖД баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: