Бала сату нарығы өркендеп келеді: бала туғаннан кейін бірден ЖСН не үшін қажет?

Сурет: pixabay

24 қаңтарда Мәжіліс алаңында депутат Екатерина Смышляева Қазақстанда неліктен бала туылғаннан кейін бірден жеке сәйкестендіру нөмірін (ЖСН) бергісі келетінін түсіндірді, деп хабарлайды Zakon.kz тілшісі.

Екатерина Смышляева қазір ЖСН азаматтық хал актісі дайындалып жатқанда, яғни туу туралы куәлік берілген кезде тағайындалатынын түсіндірді. Ал анықтама беру үшін балаға ат қою керек.

"Балаға қандай ат қоюды ата-ана өзі шешуі керек, соның салдарынан туғаннан ат қойғанға дейін біраз уақыт өтуі мүмкін.Кейде заңда көзделген мерзімдер бұзылса, кейде ЖСН мүлдем тіркелмейді. Мұндай прецеденттер болды. Сондықтан, егер бұл түзетулер қабылданса, баланың "цифрлық тууы" "азаматтықтан" ертерек болады. Яғни, дүниеге келген бала медициналық анықтама бойынша туу туралы куәлігін алмастан бірден ЖСН алады", – дейді Екатерина Смышляева.

Осылайша, оның айтуынша, ЖСН ата-аналардың бастамасымен берілмейді.

"Бұл медициналық ақпараттық жүйеде автоматты түрде жүзеге асады.Бала дүниеге келгеннен кейін еліміздің барлық ақпараттық жүйесінде бірден азамат ретінде көрінеді. Ал ертең ол тіркелмей, аты-жөні берілмей, тууы туралы куәлік алмаса, біз баланың тұрған жерін анықтауға мүмкіндік беретін іс-шараларды жүзеге асыра аламыз. Өкінішке орай, прецеденттер бар. Бала саудасы бойынша нарықтың өркендеп келе жатқанын көріп отырмыз. Ал бұл осындай қылмыстық схемаларды жүзеге асыруға мүмкіндік беретін бос орын болды", - деп атап өтті депутат.

24 қаңтарда Мәжіліс депутаттары байланыс, цифрландыру және ақпараттандыру саласындағы инвестициялық ахуалды жақсарту мәселелері бойынша түзетулерді бірінші оқылымда мақұлдады. Заң жобасында, сонымен қатар, жаңа туған нәрестелерге ЖСН тағайындау қарастырылған.

Оқи отырыңыз