Қазақстанның бір облысында республикалық маңызы бар жол жабылды

Жетісу облысында республикалық маңызы бар бір жол жабылды, деп хабарлайды Zakon.kz.

"ҚазАвтоЖол"-дың баспасөз қызметінің хабарлауынша, 24 қаңтар сағат 18:00-дегі ахуалға сәйкес, қолайсыз ауа райына байланысты Жетісу облысының "Үшарал-Достық" республикалық маңызы бар автожолының 84-184 км, Көктұма станциясынан-Достық станциясына дейінгі аралықта көліктің барлық түрі үшін жол қозғалысына шектеу енгізілді. 

Республикалық маңызы бар автожолдарды қысқы күтіп-ұстауға 706 бірлік техника және 1412 жолшы жұмылдырылды.