Семейде терроризм туралы жалған хабар берген екі жасөспірімнің ата-анасы да айыппұл арқалады

Семейде терроризм туралы жалған хабар берген екі жасөспірімнің ата-анасы да айыппұл арқалады. Оқиға 17 қаңтарда болған. Полиция террористер туралы хабарлама алған соң мекемені қоршауға алды, деп хабарлайды Zakon.kz.

Тексеру кезінде ақпарат расталмады. Кейінірек мектепте террористік акт туралы 13-14 жас аралығындағы екі жасөспірім хабарлағаны белгілі болды.

Арнайы қызметтерді өтірік шақырғаны үшін жасөспірімдердің ата-аналары қолданыстағы заңнамаға сәйкес жауапкершілікке тартылды.

Екі оқушы есепке алынды, олардың мінез-құлқы енді ювеналды полиция инспекторларының бақылауында болады.