Синоптиктер Қазақстанның бірнеше қаласында қолайсыз метеожағдай болатынын болжады

ауа райы, сурет - Zakon.kz жаңалық 28.01.2024 10:16

Сурет: pixabay

Синоптиктер 28 қаңтарда, жексенбі күні Өскемен, Семей, Риддер, Ақтөбе, Қостанай және Алматы қалаларында қолайсыз метеожағдай болатынын болжап отыр, деп хабарлайды Zakon.kz.

Қолайсыз метеорологиялық жағдайлар (ҚМЖ) – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы мүмкін.

Мұндай ауа райы кезінде:

көшеде, әсіресе, тасжолдардың бойында жүруді азайту керек;
балалар мен жүкті әйелдер ұзақ уақыт серуендемегені жөн;
созылмалы өкпе, жүрек-қан тамырлары, аллергиямен ауыратын адамдар өздерімен бірге дәрі-дәрмегін алып жүруге тиіс;
таза ауадағы физикалық белсенділікті шектеңіз;дене шынықтыру және спорттық іс-шараларды жабық спорт кешендерінде өткізу керек.

Оқи отырыңыз