Министр жедел жәрдем қызметкерлеріне жасалатын зорлық-зомбылық әрекеттерін қатаң айыптады

Ажар Ғиният, сурет - Zakon.kz жаңалық 28.01.2024 12:05

Сурет: Үкіметтің баспасөз қызметі

Денсаулық сақтау министрі Ажар Ғиният Қарағандыда жедел жәрдем қызметкеріне жасалған шабуылдың егжей-тегжейін айтып, мұны айыптады, деп хабарлайды Zakon.kz.

Қарағандыда жедел медициналық жәрдем жүргізушісіне лауазымдық міндетін атқару кезінде бейтаныс ер адам соққыға жықты.

Жедел жәрдем жүргізушісі Мақажанов атындағы облыстық аурухананың неврология бөлімшесіне мидың шайқалуы, мұрын сүйегінің сынуы, қабырғаның жабық сынуы, көздің гематомасы диагнозымен емдеуге жатқызылды.

Бүгінгі таңда денсаулыққа қасақана зиян келтіру фактісі бойынша қылмыстық іс қозғалды.

Жедел жәрдем бригадасы 23:30-да дене қызуы көтерілген және қызылшамен ауырып қалуы мүмкін балаға шақырту бойынша келген. Баланы стационарға тасымалдау үшін үйдің ауласына жедел жәрдем көлігі тұраққа қойылған, онда санитариялық автокөліктің жүргізушісіне өтіп бара жатқан бейтаныс адам шабуыл жасаған.

"Өздеріңіз білетіндей, жедел медициналық жәрдем қызметкерлері тәулік бойы жұмыс істейді. Адамның өмірі мен денсаулығы олардың жедел әрекет етуіне байланысты. Бірақ азаматтар біздің фельдшерлер мен "103" жүргізушілерінің қандай қиын жағдайда жұмыс істейтінін әрдайым түсіне бермейді. Өкінішке қарай, мұндай агрессия жағдайлары, жедел жәрдем қызметкерлеріне шабуыл жасау жиі болады және олар заңмен қатаң түрде кінәлілерді жазалауды талап етеді. Облыстық денсаулық сақтау басқармасы басшылығының полиция департаментімен бірлесіп уақытылы әрекет етуінің арқасында шабуылдаушы азаматтың жеке басы анықталды. Менің ойымша, медицина қызметкерлеріне, әсіресе жедел жәрдем қызметкерлеріне қатысты мұндай зорлық-зомбылық әрекеттеріне мүлдем жол берілмейді және құқық қорғау органдарының деңгейінде де, қоғамда да қатаң айыпталуға тиіс. Зардап шеккен жедел жәрдем жүргізушісінің тезірек сауығып кетуін тілеймін және барлық медициналық жұртшылықты осы оқиға бойынша тергеу менің жеке бақылауымда болатынына сендіремін."Денсаулық сақтау министрі Ажар Ғиният

Оқи отырыңыз