Жаңалықтар тізбегі
0

Ерболат Досаев: Алматыда жылыту маусымы штаттық режимде өтуде

Ерболат Досаев тұрғындарды  үздіксіз  және тұрақты жылумен қамту мәселесін ерекше бақылауда ұстауды тапсырды Сурет: Алматы қаласы әкімдігінің баспасөз қызметі
Алматы қаласының әкімі Ерболат Досаев жұмыс кеңесін өткізді, жиында 2023-2024 жылдардағы жылыту маусымының барысы қаралды.
"Энергетика және сумен жабдықтау, коммуналдық инфрақұрылымды дамыту, білім басқармаларының басшылары, сондай-ақ "Алматы жылу желілері" ЖШС, "АлматыЖылуКоммунЭнерго" ЖШС, "Алматы Су" МКК, "Алматы электр станциялары" АҚ, "Алатау Жарық компаниясы" АҚ және "ҚазТрансГазАймақ" АҚ басшылары жылыту маусымының ағымдағы өтуі туралы баяндады. Алматыны жылумен жабдықтау ЖЭО-1,2, "АлЭС" АҚ БЖК (65%) және "АТКЭ" ЖШС-нің 84 жергілікті қазандығы (35%) есебінен қамтамасыз етіледі." Алматы қаласы әкімдігінің баспасөз қызметі

Бүгінгі таңда қалада барлық әлеуметтік нысандар мен көппәтерлі тұрғын үйлер (КТҮ – 8 863, білім беру объектілері – 404, денсаулық сақтау объектілері - 128) үздіксіз жылумен қамтамасыз етілген. Жылу көздерінде және жылу желілерінде температуралық режим бекітілген кестеге сәйкес сақталады. Әкімге жылу беру маусымы кезінде қала қызметтерінің жоғары дайындық режимінде жұмыс істейтіні баяндалды. Штаттан тыс жағдайларды уақтылы жою үшін барлық қажетті құрылғылармен жабдықталған апатты жою бригадалары жұмыс істейді. Бұл іске барлығы 400-ге жуық адам, 100-ден астам арнайы техника жұмылдырылған.

Мегаполис басшысы инфрақұрылымның тозуын азайтуға бағытталған инвестициялық бағдарламаны іске асыруға баса назар аударды. Алматы қаласы бойынша жылу желілерінің жалпы тозуы 59,2%-ды құрады, 2023 жылы жүргізіліп жатқан шаралар жоспарланған 0,6% орнына тозуды 1,3% - ға қысқартуға мүмкіндік берді. Осылайша, ағымдағы жылдың басында 25 жылдан астам уақыт пайдаланылып, тозған желілердің ұзындығы 802,6 км немесе желілердің барлық ұзындығының 57,9%-ын құрайды.

Ағымдағы жылы жалпы ұзындығы 20 км жылу желілерін реконструкциялау бойынша жұмыстар жүргізу жоспарлануда, бұл жылу желілерінің тозуын 1,8% - ға төмендетуге мүмкіндік береді.

Кеңестің қорытындысы бойынша қала әкімі Ерболат Досаев жылу беру маусымын тұрақты әрі үздіксіз өткізу қала үшін стратегиялық маңызды міндет екенін атап өтті. Жылыту маусымы әлі жалғасуда, сондықтан қалалық қызметтерге қала тұрғындарын тұрақты және үздіксіз жылумен қамтамасыз ету мәселесін бақылауда ұстау тапсырылды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: