"Ұлттық қор - балаларға" жобасының сайты жұмыс істемей қалды

Балалар Қазақстанның Ұлттық қорынан ақша ала бастады деген ақпараттан кейін kids.enpf.kz сайты жұмыс істемей қалды, деп хабарлайды Zakon.kz.

Қазақстандық БАҚ-та "Ұлттық қор - балаларға" бағдарламасы бойынша алғашқы төлемдер қазақстандықтарға түсе бастады деген ақпарат пайда болған соң сайт істен шықты.

Бағдарламаға қатысатын балалар 2023 жылға арналған арнайы шоттарға $100,52 алғаны хабарланды.

БЖЗҚ сайты да ашылмайды.

Бұған дейін Қазақстанда "Ұлттық қор - балаларға" жобасы ресми түрде іске қосылғаны хабарланған.