Оралдағы балабақшада балалардың үстіне шкаф құлады
![Оралдағы балабақшада балалардың үстіне шкаф құлады, сурет - Zakon.kz жаңалық 02.02.2024 10:39](https://kaz.zakon.kz/pbi/WEBP/2024-02-02/file-aacde485-30b0-4e02-bfb4-62d40d300b20/400x267.webp)
Орал қаласында балабақшада шкаф құлап, 4 бала мен тәрбиеші жарақат алды. Оқиға түске дейін "Sabi" жеке балабақшасында болған.
Бүлдіршіндердің киімі мен керек-жарағы салынған биіктігі екі метрдей шкаф оқыстан құлаған. Тәрбиеші қалқалап үлгергенімен, 4 бала астында қалды.
Бәрі де жедел жәрдеммен ауруханаға жеткізілді. Бес жастағы қыз балалардың кеуде тұсы мен білек-қолы жеңіл жарақаттанған, деп жазады qazaqstan.tv.
Дәрігерлер қарап, үйлеріне жіберді. Аяғын жарақаттаған 47 жастағы тәрбиешіге амбулаториялық ем тағайындалды.
Оқиға орнына полиция барып, мән-жайды анықтап жатыр. Балабақшада 125 бала тәрбиеленеді. 30-ға жуық қызметкер жұмыс істейді.
"Қазір балабақшада қызметтік ішкі тексеріс жүріп жатыр. Қазір мен сол жақтан келіп жатырмын. Ата-аналарға балаларды тапсырып, тексеріп. Скорыймен, обследование жасатқызып келдім. Балалардың жағдайы жаман емес, жақсы. Ондай қатты жарақат алған жоқ балалар." Зәуре Қуанышқалиева, балабақша әкімгері
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript