Бішкектегі ЖЭО-дағы апат: Қазақстан Қырғызстанға көмек береді

Сыртқы істер министрлігі, сурет - Zakon.kz жаңалық 04.02.2024 10:22

Сурет: Сыртқы істер министрлігінің баспасөз қызметі

Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Қырғыз Республикасының Сыртқы істер министрі Жээнбек Кулубаевпен телефон арқылы сөйлесті, деп хабарлайды Zakon.kz.

Сұхбат барысында Қазақстан Республикасының Президенті Қасым-Жомарт Тоқаевтың тапсырмасы бойынша Бішкек қаласының ЖЭО-ға қатысты жағдайды реттеуге жәрдемдесуді үйлестіру бойынша екіжақты өзара іс-қимыл мәселелері талқыланды.

"Осыған байланысты Қырғызстанның сыртқы саяси ведомствосының басшысы ЖЭО жұмысын қалпына келтіру бойынша қабылданып жатқан шаралар туралы хабардар етті". Сыртқы істер министрлігінің баспасөз қызметі

Сондай-ақ Қазақстанның Жамбыл МАЭС-пен электр энергиясын жеткізу көлемін ұлғайтуға байланысты мәселені жедел шешкені үшін алғысын білдірді.

2 ақпанға қараған түні Бішкектегі ЖЭО-да жарылыс болды. Бес адам зардап шегіп, ауруханаға жеткізілді. Апаттан кейін Бішкектегі көп тұрғын үйде жылу жоқ. Бішкектегі мектептер мен балабақшалар онлайн оқытуға көшті.

Қырғызстан премьер-министрі Ақылбек Жапаров Алматыға сапарын дереу тоқтатып, президент әкімшілігіндегі кеңеске қатысу үшін Бішкекке аттанды.

Оқи отырыңыз