Tez.kz қызметін тоқтатты: барлық турист шетелден Қазақстанға оралды

Сурет: Zakon.kz

2024 жылғы 24 қаңтарда Tez.kz туроператоры қызметін тоқтатты. Аталған туроператор қызметін тоқтата тұратыны туралы ақпарат тараған кезде шетелде 313 отандық турист болған. Қазіргі уақытта олардың бәрі Қазақстанға оралды, деп хабарлайды Zakon.kz.

Қазақстандықтарды елге қайтару жұмысымен Туризм және спорт министрлігі мен ел азаматтарының көшпелі туризм саласындағы құқықтарына кепілдік беру жүйесінің әкімшісі "Туристік Қамқор" қоры айналысты.

"Министрлік пен қордың бірлескен жұмысының нәтижесінде туристер елге оралу кезінде ешқандай кедергіге тап болған жоқ. Олардың демалысы турда көрсетілген мерзімге сәйкес өтіп, ұшып келу уақыты турпакетте жоспарланған күндері жүзеге асырылды".Туризм және спорт министрлігінің баспасөз қызметі

Еске салайық, бұған дейін Tez.kz туроператоры өз қызметін тоқтатқанын хабарлаған едік. Көшпелі туризмі саласындағы кепілдік жүйесінің әкімшісі - "Туристік Қамқор" КҚ туроператордың туристерін қайтару процесін бастағанын хабарлады.

Оқи отырыңыз