Жаңалықтар тізбегі
0

Бектенов президенттің міндетті медициналық сақтандыру жүйесіне қатысты сынына жауап берді

Әлеуметтік блок мәселелеріне тоқталған Олжас Бектенов ең алдымен МӘМС жүйесін реформалау қажеттігіне назар аударды. Сурет: primeminister.kz
2024 жылдың 9 ақпанында Қазақстанның жаңа премьер-министрі Олжас Бектенов бірінші кеңес өткізіп, онда міндетті әлеуметтік медициналық сақтандыру жүйесі (МӘМС) күрделі қайта форматтауды қажет ететінін мәлімдеді, деп хабарлайды Zakon.kz.

Жалпы, іс-шара мемлекет басшысы Қасым-Жомарт Тоқаевтың 7 ақпанда Үкіметтің кеңейтілген отырысында айтқан тапсырмаларын орындауға арналды.

Әлеуметтік блок мәселелеріне тоқталған Олжас Бектенов ең алдымен МӘМС жүйесін реформалау қажеттігіне назар аударды.

"МӘМС жүйесі елеулі қайта форматтауды қажет етеді деп санаймын. Қаражатты тиімсіз жұмсау мен артық жалған тіркеулер бола тұра оны қаржыландыруды ұлғайтуға жол берілмейді. Сала толық цифрландыру мен ашықтықты талап етеді", — деді Премьер-Министр.

Отырыс барысында Үкімет басшысы цифрлық трансформацияны жүргізу, көлік және ауыл шаруашылығы салаларын дамыту, "Жайлы мектеп" және "Ауылдық денсаулық сақтауды жаңғырту" ұлттық жобаларын іске асыру, сондай-ақ азаматтарды әлеуметтік қолдау, мемлекеттік сатып алу және мемлекеттік-жекешелік әріптестік тетіктерін реформалау жөнінде нақты тапсырмалар берді.

"Біз батыл әрекет ететін Үкімет боламыз.Бізге өсу қарқынын тиімді ұлғайту, экономиканы әртараптандыруды белсендірек жүргізу, инвестиция тарту және барлық міндеттерді шешу үшін жеткілікті өкілеттіктер берілді", — деп атап өтті Олжас Бектенов.

Оның айтуынша, формализм мен бюрократиялық сарсаңға салуды толығымен жоя отырып, стереотиптерден арылу қажет.

"Министрлер өз бетінше шешім қабылдай білуге тиіс, салалық мәселелерді өз деңгейінде шешулері қажет. Жұмыс қарқыны жоғары, талап қатаң болатынын әркім түсінуі тиіс", — деп қорытындылады сөзін Премьер-Министр.

2024 жылғы 7 ақпанда Президент Қасым-Жомарт Тоқаев үкіметтің кеңейтілген отырысында Міндетті әлеуметтік медициналық сақтандырудың (МӘМС) бес жыл ішінде Қазақстанда дәрі-дәрмектің сапасы мен қолжетімділігінде ешқандай жақсару болмағанын мәлімдеді. Ал бес жылда салалық бюджет екі есеге өскенін атап өтті.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: