Түркістан облысында қарт әйел есінен танып, суық балконда жатып қалған

Түркістан облысы Ордабасы ауданының полициясына түнгі уақытта 102 пультіне жергілікті тұрғын қоңырау шалып, көрші тұратын әжейдің есінен танып, үйінің балконында жатқанын айтқан, деп хабарлайды Zakon.kz polisia.kz-ке сілтеме жасап.

Оқиға орнына бірден учаскелік инспекторлар келді. Олар пәтер иесінің балконына өрмелеп шығып, жедел жәрдемді шақырып, ол келгенге дейін қарияға алғашқы көмек көрсетті.

Сондай-ақ оның 32 жастағы қызы қарт әйелмен бірге тұратыны анықталды.

Ол оқиға болған күні үйде болмаған. Полиция қызметкерлері жедел жәрдем жеткенге дейін әйелдің жанында болған.