Ақтөбе қаласы аумағында "Есептегі элемент" республикалық жедел алдын алу іс - шарасы өткізілуде
Сурет: Ақтөбе қаласы әкімінің баспасөз қызметі
2024 жылғы 12 - 20 ақпан аралығында Ақтөбе қаласы аумағында "Есептегі элемент" республикалық жедел алдын алу іс - шарасы өткізілуде.
Бұл іс-шараның басты мақсаты пробация қызметінде және ішкі істер органдарының есебінде тұрған тұлғалардың қайтадан қылмыстық құқық бұзушылықтың алдын алу болып табылады.
Өткізіліп жатқан "Есептегі элемент "жедел алдын алу іс-шарасының 3 күндік нәтижесінде Ақтөбе қаласы қызмет атқару аумағында 1316 есептегі тұлға тексерілді.
Тексеру кезінде есептегі 125 тұлғаның тарапынан құқық бұзушылық анықталды. 151 адам ІІО есебіне алынды.
Осы жедел алдын алу іс- шарасы кезінде есептегі жазасын өтеуден мерізімінен бұрын шартты түрде босап шыққан 1 адам полицияның қойылған шектеулерін бұзып және бірнеше құқық бұзушылық жасағаны үшін, сот қаулысымен түзеу мекемесіне қайтарылды, есептегі 2 адамға сот қаулысымен әкімшілік қадағалау орнатылды, есептегі 7 адам сот қаулысымен мәжбүрлі түрде алкогольдік ішімдіктен емдеу орталығына жіберілді.
Жалпы жыл басынан бері Ақтөбе қаласы аумағы бойынша есептегі жазасын өтеуден мерізімінен бұрын шартты түрде босап шыққан 5 адам полицияның қойылған шектеулерін бұзып және бірнеше құқық бұзушылық жасағаны үшін, сот қаулысымен түзеу мекемесіне қайтарылды. Учаскелік полиция инспекторларымен есептегі элемент санатында тұрған тұлғаларға үнемі бақылау жүргізілуде.
