Жетісу облысында полиция танысынан ақша бопсалаған күдіктіні қолға түсірді

Ұйымдасқан қылмысқа қарсы күрес бөлімшесінің полицейлері танысынан ақша бопсалады деген күдікке ілінген жас жігітті ұстады, деп хабарлайды Zakon.kz.

Күдікті өзінің танысынан 400 мың теңге бопсалаған.

"Тексеру барысында ол жәбірленушіден түрлі сомадағы ақша талап еткені анықталған. Кейіннен күдікті соманы көбейте бастаған. Ақша беруден бас тартқан жәбірленушіге дене жарақатын келтіремін деп қорқытқан", - деді облыс ПД ҰҚҚКБ-ның бастығы Рүстем Мерқұлов.

Бопсалау фактісі бойынша қылмыстық іс қозғалды, тергеу жалғасып жатыр. Күдікті қамауға алынды.