Алматыда жер сілкінісі салдарынан бір адам зардап шеккені белгілі болды

Алматыда 4 наурызда болған күшті жер сілкінісінен бір адам зардап шекті, деп хабарлайды Zakon.kz.

Алматы төтенше жағдайлар департаментінің басшысы Нұрлан Атығаевтың айтуынша, оның нақты қалай зардап шеккені туралы мәліметтер анықталып жатыр.

Алматы денсаулық сақтау басқармасының хабарлауынша, 18 жастағы қала тұрғынына Балаларға жедел медициналық көмек көрсету орталығында барлық қажетті көмек көрсетілген.

4 наурызда Алматыда тағы да күшті жер сілкінісі болды. Қала тұрғындары сағат 11:22-де күші 5 балл болатын күшті жерасты дүмпуін сезді.