Қайрат Сатыбалдыға қатысты қозғалған қылмыстық іс аясында Қазақстанға 733 миллиард теңге қайтарылды
Сурет: nb.kz
Спикердің айтуынша, 2022 жылдан бері барлығы 1 триллион теңгеден астам мүлік мемлекетке қайтарылған.
"Қайрат Сатыбалдыұлына қатысты қылмыстық істерді тергеу аясында 732,8 млрд теңге қайтарылды", - деді Сыбайлас жемқорлыққа қарсы қызметтің ресми өкілі Арман Тілеукенов.
Бұл адам темір тордың ар жағында отырғанда журналистер қонақүй сатып алуға қатысты да сұрақ қойды. "Антикор" өкілі бұл сұраққа кейінірек, егжей-тегжейлі мәлімет білгенде жауап беруге уәде берді.
2023 жылдың 31 мамырында Қайрат Сатыбалдының 464 миллиард теңге көлеміндегі мүлкі мен ақшасы Қазақстанға қайтарылғаны, қазанда - 300 миллион доллардың активтерін қайтарғаны туралы, желтоқсанда - жалпы сомасы $120 млн, бұл 55,4 млрд теңге қаражат қайтарылғаны туралы хабарланған болатын.
8 ақпанда Антикордың тағы 44,6 миллиард теңгені қайтарғаны белгілі болды.
2022 жылдың 26 қыркүйегінде Қайрат Сатыбалды "Қазақтелеком" АҚ мен "ЦТС" АҚ-да аса ірі көлемдегі ұрлық ісі бойынша алты жылға бас бостандығынан айырылды.
2023 жылдың желтоқсанында Қайрат Сатыбалды жазасын бас бостандығынан айырудан бас бостандығын шектеуге ауыстыру туралы өтініш берді, бірақ оны шартты түрде мерзімінен бұрын босатудан бас тартылды.
2024 жылдың 10 қаңтарында Қайрат Сатыбалдыға қатысты жаңа тергеу жүріп жатқаны белгілі болды, оның егжей-тегжейін Антикор ашты.
