Депутат қазақстандық аналарға емделу үшін бір реттік төлем бөлуді ұсынды
Сурет: Zakon.kz/Павел Михеев
Мәжіліс депутаты Ерлан Саиров Премьер-министрдің орынбасары Тамара Дүйсеноваға Қазақстанда әйелдерге біржолғы төлемді енгізуді ұсынды, деп хабарлайды Zakon.kz тілшісі.
Оның айтуынша, елімізде қазірдің өзінде 543 мыңға жуық көп балалы аналар мұндай төлемдерге мұқтаж.
"Медициналық факт, ана аяғы ауыр кезінде баланың дамуына тым көп кальций жұмсайды, соның салдарынан тістері түсіп қалады.Қазақстанда стоматологиялық қызметтердің бағасы жоғары екенін бәріміз жақсы білеміз. Біріншіден, көп балалы аналарға тістерін қалпына келтіру үшін біржолғы қаржылық төлемді қалыптастыру қажет", - деді Ерлан Саиров.
Елімізде бір реттік жәрдемақы төленетінін, бірақ оның бала күтімі үшін берілетінін баса айтты. Сонымен қатар, бұл төлемдердің мөлшері басқа елдермен салыстырғанда төмен. Мәселен, 1-3 бала туылғаны үшін қазақстандықтарға 140 мың теңге, төрт және одан да көп бала туғанға 232 мың теңге төленеді.
Ал Ресейде аналық капиталдың мөлшері бірінші балаға 639 мың рубльді құрайды – бұл 3 миллион 195 мың теңге, ал екінші балаға 883 мың рубль – бұл 7 миллион теңге.
"Бұл біздің өтемақымен салыстыруға бола ма? Әрине, жоқ", - деп ашуланды депутат.
Бұған дейін Еңбек және халықты әлеуметтік қорғау министрлігі көп балалы отбасылар алатын мемлекеттік жәрдемақы туралы айтқан болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
