2024 жылғы пітір садақаның мөлшері қандай

2024 жылғы пітір садақаның мөлшері белгілі болды. Бұл туралы ҚМДБ төрағасының орынбасары, наиб мүфти Сансызбай Құрбанұлы айтты, деп хабарлайды Zakon.kz.

"Қазақстан мұсылмандары діни басқармасының төралқа мәжілісінде биылғы пітір садақасының мөлшері 640 теңге болып белгіленді. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды" Сансызбай Құрбанұлы

Пітір садақасын құрма, мейіз бағасымен де беруге болады.

Айта кетейік, қасиетті Рамазан айы 11 наурызда басталады. 

Ал сәуір айының 5-нен 6-на қараған түн – қасиетті Қадір түні. 10 сәуір – Ораза айт мерекесі.