Жетісу облысында полиция ақбөкен мүйіздерінің ірі партиясын тәркіледі

Облыстық полиция департаменті ұйымдасқан қылмысқа қарсы күрес басқармасының қызметкерлері ҰҚК Шекара қызметінің Жетісу облысы бойынша департаменті өкілдерімен бірлесіп Жаркент қаласы көшелерінің бірінде Mitsubishi Galant көлігін тоқтатқан, деп хабарлайды Zakon.kz.

"Автокөліктің салоны мен жүксалғышында ақбөкен мүйізі бар 6 қорап пен сөмкелер табылды. Олардың жалпы саны – 1 382 бірлік. Сирек кездесетін жануарлардың дериваттарымен заңсыз айналысу фактісі бойынша қажетті сараптамаларды тағайындаумен қылмыстық іс қозғалды", - деп атап өтті полиция департаменті бастығының орынбасары Елдар Әбдікенов.

Сурет: polisia.kz

Сурет: polisia.kz

Үш күдікті уақытша ұстау изоляторына қамалды, тергеу әрекеттері жүргізіліп жатыр.