БҚО-да полиция қызметкерлері 217 ақбөкен мүйізін тәркіледі

полиция, сурет - Zakon.kz жаңалық 19.01.2024 21:59

Сурет: polisia.kz

Батыс Қазақстан облысы полиция департаментінің ұйымдасқан қылмысқа қарсы күрес басқармасының қызметкерлері және экстремизмге қарсы іс-қимыл басқармасының қызметкерлері Орал қаласының тұрғынының пәтерінен 217 дана ақбөкен мүйізін тәркіледі, деп хабарлайды Zakon.kz.

Ақбөкен мүйізін оған Бөкейордасы ауданынан танысы беріп жіберген. Ал Бөкейордасы ауданының тұрғыны жауап алу кезінде аталған мүйіздерді 2020 жылдан бастап жинағанын және оны өзінің құрылыс шаруашылығында сақтағанын және одан әрі іске асырып, пайда көру үшін мүйізді такси жүргізушісі арқылы қалаға беріп жібергенін айтты.

Қылмыстық іс шеңберінде күдіктінің біріне тиесілі телефоны тәркіленді, онда мүйіздерді сату тақырыбында хабарламалар және қаптарға оралған дериваттардың фотосуреттері (тәркіленгенмен бірдей) бар.

Осы факті бойынша ҚР ҚК-нің 339-бабының 1-бөлігіне сәйкес сотқа дейінгі тергеу жүргізіліп жатыр. Тергеу амалдары жалғасады.

Оқи отырыңыз