Алматыда аяқ-асты қар жауып, боран соғып, 11 балдық көлік кептелісі тіркелді

Алматыда 11 балдық көлік кептелісі тіркелді. Бұған картографиялық сервис деректері куә, деп хабарлайды Zakon.kz.

Бүгін, кешке, апақ-сапақта Алматыда қар жауып, қатты жел тұрып, айнала ақ түтекке оранды.  

2024 жылдың 14 наурызында кешке "2ГИС" анықтамалығындағы мәліметтер бойынша жол кептелісінің көрсеткіші 11 баллды құрады.

Сурет: Zakon.kz

Zakon.kz оқырмандары қарлы күнде ақырын қозғалған көлігі ішінде түсірген видеоларымен жаппай бөлісіп жатыр. 

Есесіне, такси жүргізушілерінің күні оңынан туып, баға бірнеше есеге өсіп шыға келді. 

Қалада сағат 16:00-ден кейін аяқ-асты қар жауа бастады. "Қазгидрометтің" болжамы бойынша қар түні бойы жауады.